Тәһририй мәвқә вә принсиплар
«Шәрқий түркистан почтиси» шәрқий түркистаңһа аит хәвәрлирини хәлқара қанун асасидики мустәмликичиликтин қутулуш, сиртқи өз тәқдирини өзи бәлгиләш вә мустәқиллиқ пиринсиплириға асаслаңһан тәһририй нуқтиинәзәр билән бир тәрәп қилиду.
Бу пиринсиплар мәзкур нәшриятниң шәрқий түркистан вә униң хәлқигә тәсир көрситиватқан тарихий, сиясий вә иҗтимаий реаллиқларни чүшиниши вә хәвәр қилишиға йетәкчилик қилиду.
Түп нуқтиинәзәр
«Шәрқий түркистан почтиси» шәрқий түркистанни өзигә хас бир тарихий вә сиясий гәвдә дәп тонуйду һәмдә униң игилик һоқуқи, ишғал қилиниши вә кәлгүси орниға алақидар мәсилиләрни җамаәтчилик көңүл бөлидиған қанунлуқ вә мәркизий мәсилиләр сүпитидә бир тәрәп қилиду. Елан қилиңһан язмилар мустәмликичиликтин қутулуш вә мустәқиллиқ әтрапидики муназириләрни қуруқ нәзәрийә әмәс, бәлки шәрқий түркистан хәлқиниң мәйли дөләт ичидә яки муһаҗирәттә болсун, әмәлий турмуши вә күндилик һаятиға биваситә тәсир көрситиватқан риаллиқ дәп тонуйду.
Ядролуқ мәҗбурийәтләр
«Шәрқий түркистан почтиси» төвәндикиләрни муәййәнләштүриду:
• Хәлқләрниң хәлқара қанун бойичә мустәмликичиликтин қутулуш, ташқи өз тәқдирини өзи бәлгиләш вә мустәқиллиқ һоқуқи.
• Мустәқил ахбаратниң шәрқий түркистаңһа четишлиқ тәрәққиятларни һөҗҗәтләштүрүш, тәһлил қилиш вә арқа көрүнүш билән тәминләштики роли.
• Мустәмликичилик һөкүмранлиқи, ишғалийәт, бастуруш вә дөләт күчиниң барлиқ шәкиллирини тәнқидий тәһлил қилиш мәсулийити.
Кәспий өлчәмләр
Нәшриятимиз мустәмликичиликкә қарши туруштин ибарәт ениқ тәһрирлик мәвқисидә чиң туруш билән биргә, барлиқ форматларда дәлил-испат, мәнбә көрситиш вә ашкарилиқтин ибарәт ахбаратчилиқ өлчәмлирини тәтбиқлайду. «Хәвәрләр» вә «тәһлилий чүшәндүрүшләр»дә испатлиғили болидиған пакитлар вә арқа көрүнүшлүк мәлуматларға алдинқи мәртибидә әһмийәт берилиду; «обзорлар» вә «тәһрирлик мақалилири» болса ашу пакитлиқ асас даирисидики әхлақий яки тәкшүрүш характерлик көз қарашларни әкс әттүриду.
Нәшриятимиз хитайниң шәрқий түркистан үстидики игилик һоқуқ дәвасини қанунлаштуридиған яки нормаллаштуридиған, хитайниң мустәмликичилик һөкүмранлиқини яқлайдиған яки шәрқий түркистанниң ташқи өз тәқдирини өзи бәлгиләш һоқуқини рәт қилидиған мәвқәләргә «тәрәпсиз» яки «баравәр көз қараш» дәп муамилә қилмайду. Тәһрирлик өлчәмлиримиз хәвәр-мәлуматларниң бастуруш, йоқитиш яки мустәмликичилик контроллуқини ақлайдиған баянларни вастилиқ тәрғип қилмаслиқиға яки дәлиллимәсликигә капаләтлик қилиду. Садақәт вә мустәқиллиқ
Нәшриятимизниң мустәқиллиқи кәспий вә пикир әркинлики асасиға қурулған. Мақалә йоллиғучилар вә тәһрирләр шәрқий түркистанниң мустәқиллиқигә нисбәтән ортақ садақәткә игә болсиму, әмма барлиқ материяллар пакитниң тоғрилиқи, ениқлиқи вә «шәрқий түркистан почтиси»ниң өлчәмлиригә уйғур келиши җәһәттин қаттиқ тәһрирлик тәкшүрүшидин өтиду. Бизниң йетәкчи мәқситимиз — хәлқни тоғра учур билән тәминләш, әстайидиллиқ билән һөҗҗәтләштүрүш вә сәмимийәт билән тәһлил қилиштур.
